Атырау облысында тасқын судан зардап шеккен отбасының балалары онлайн форматта білім алады. Бұл туралы облыстық білім беру басқармасы басшысының міндетін атқарушы С.Аманшиева мәлімдеді.

- Бүгіннен бастап Жылыой ауданында қарғын судың шектен тыс тасуы салдарынан баспанасы суға кетіп, өздері эвакуацияланған отбасылардың балаларын қашықтықтан оқытуды ұйымдастырамыз. Және бұл жағдай тұрақтанғанға дейін жалғасатын болады, - деді ол.

Онлайн білім алатындардың қатарында Құлсары қаласынан "Теңіз" кен орнындағы вахталық қалашыққа, Атырау қаласына эвакуацияланғандар мен көршілес облыстарға кеткендер де бар.

"Тасқын су кезінде Маңғыстау облысына бет алған ата-аналардың балаларын сол өңірдің білім беру бөлімдері арқылы оқытатын боламыз" дейді облыстық білім беру басқармасы басшысының міндетін атқарушы С.Аманшиева.

Атырау облысының төтенше жағдай жөніндегі жедел штабы

t.me/oper_shtab_atyrau @oper_shtab_atyrau