Өңірлердегі төтенше жағдайға байланысты федерациядағы ауыс-түйіс 2024 жылдың 15 сәуірінде онлайн түрде өтті.

Кеше Түркістан қаласында сурдодзюдодан (есту қабілеті зақымданған дзюдошылар) ересектер арасында әлем чемпионаты өз жалауын желбіретті.

Сейсенбі күні Миялы спорт кешенінде ауданның құрылғанына 80 жыл толуына арналған бокстан жасөспірімдер арасында облыстық аудан әкімнің жүлдесі өтуде.

 Ұлттық спортты ұлықтап жүрген аудан спортшылары Атырау қаласында өткен Наурыз тойға қатысып, қуанышпен  қайтты.

Бүгін, яғни, 20 наурыз – Ұлттық спорт күні. Осы орайда, мектеп табалдырығын аттап келген бүлдіршіндерге әріп үйретумен қатар, қазақтың ұлттық асық ойынын дәріптеп жүрген Қ.Сәтпаев атындағы №19 мектеп-гимназиясының бастауыш сынып мұғалімі Эльвира Ақбатырова туралы әңгімелемекпіз, деп хабарлайды AtyrauPress тілшісі. 

TikTok әлеуметтік желісінде қазақтың ұлттық ойыны ләңгі тебуден республикалық турнирде өнер көрсетіп, жарыс жеңімпазы атанған қызылқоғалық Шерхан Еңсегенұлының сынға түсіп жатқан кездегі бейнежазбасы тараған болатын. Сұрастырып білсек, Ақтөбе қаласында ұйымдастырылған бұл жарыс республика бойынша тұңғыш рет өтіпті. Сол турнирде қарсыластарын шаң қаптырып, жеңімпаз атанған ләңгіші өзінің осынша танымалдыққа ие боларын білмепті. Шерхан өзіне берілген небары бес минутта 561 ұпай жинап аудан мерейін ғана емес, облыстың абыройын асқақтатып қайтты. Осылайша бұл ойынның аудан көлемінде жақсы дамып келе жатқанын көрсетті.

Дене тәрбиесі оның ішінде ұлттық спорт пен ойындар арқылы салауатты өмір сүру дағдыларын қалыптастыру, халықтың денсаулығын жақсарту, бұқаралық спортты дамыту, салт-дәстүрді сақтау, елін-жерін сүюге тәрбиелеу жас ұрпақ тәрбиесіндегі өте өзекті мәселелердің бірі. Дәстүрлі халық мәдениетінің ажырамас бір бөлігі болып саналатын ұлттық ойындар мен спорттың қоғамдағы атқаратын пайдасы орасан. Аударыспақ, бәйге, көкпар, қазақ күресі, асық ату, садақ ату және басқа да қазақтың қанына сіңген  ұлттық спорт түрлері – еліміздің бренді. Әсіресе, қазақ халқының тарихымен қатар дамып келе жатқан қазақ күресі бүгінде үлкен танымалдылыққа ие. Елімізде кез келген мерекелік іс-шаралар бұл спортсыз өтпейді.

Атыраулық 11 жастағы жас спортшы Жансейіт Жанбосын 50 метрге butterfly стилінде жүзуден жасөспірімдер арасында Қазақстан чемпионы атанды, деп хабарлайды Өңірлік коммуникациялар қызметі.