Жақында аудандық орталық кітапхананың «Коворкинг» орталығында отбасы құндылықтарын оқырмандарға дәріптеу мақсатында «Отбасы – бақыт мекені» атты кездесу кеші өтті.
Оған Ы.Шөреков атындағы мектеп-гимназиясы мен Б.Аманшин атындағы орта мектептің оқушылары мен кітапхана қызметкерлері қатысты. Кешке ауыл тұрғыны Сембай Байғалидың отбасы шақырылды. Ұлағатты отбасының отағасы өзінің отбасы жөнінде, отбасы құндылықтары жайында әңгімелеп, ой-пікірін ортаға салды.