Ұлыстың ұлы күні Наурыз мерекесінде Мұқыр ауылдық клубының ұйымдастыруымен батагөй ақсақалдар бас қосқан  «Баталы елге бақ қонар» атты кездесу кеші өтті.

Ұлтымыздың ұлы құндылықтарының бірі – бата беру дәстүрін дәріптеп, кейінгі ұрпаққа үлгі ету мақсатында ұйымдастырылған шараға қатысқан Мұқыр ауылдық бастауыш ардагерлер ұйымының төрағасы Ақниет Сахиев, зейнеткерлер Табылды Нұртазин, Асқар Дөшкенов, Сағыныш Хамзин, Асқар Есенғалилар бата туралы кеңінен әңгімелеп, ұлтымыздың ұмытылып бара жатқан басқа да салт-дәстүрлері, ұрпақ тәрбиесі хақында ой өрбітті.