Атырау обл, Миялы ауылы, Қ.Сәтбаев көшесі, №17 үй. 8 (712) 3821738 mialy44@mail.ru

АҚЫНЫН АРДАҚТАҒАН АТЫРАУ ХАЛҚЫ

Махамбет атындағы сыйлықтың иегері, Исатай ауданының Құрметті азаматы Нұралы Әжіғалиевтің 80 жылдық мерейтойына арналған «Жырым менің – жанарым елге қарар» атты еске алу кеші өтті – деп, хабарлайды Атырау облысының Өңірлік коммуникациялар қызметі.

Аталған шара Атырау облысы әкімдігінің қолдауымен, облыстық мәдениет, архивтер және құжаттама басқармасы және облыстық халық шығармашылығы орталығының ұйымдастыруымен өтті.

o

Басты мақсат - ақынды еске алып, рухына тағзым ету және шығармашылығын жас буынға таныстыру. Еске алу кешіне ҚР Кәсіподақтар Федерациясының төрағасы Ералы Тоғжанов және Атырау облысының әкімі Нұрлан Ноғаев пен ақынның үзеңгілес достары, белгілі қоғам қайраткерлері қатысты. Олар ақынның шығармаларындағы туралық пен шыншылдықты айтып, жаңа жыр жинағының тұсауын кесті. Ал, Махамбет атындағы академиялық драма театр әртістері ақынның саналы ғұмырын театрландырылған қойылыммен көрсетіп, жыр-шумақтарын тебірентіп жеткізді. Бұл ретте Атырау облысының әкімі Нұрлан Ноғаев ақынның мәнді ғұмыры кейінгі ұрпаққа үлгі-өнеге екендігін айтып, оны жастардың бойына сіңіре білуіміз қажет деді.

foto3

- Халық айтады әркім туғанын анасының жатырында жатқанынан-ақ, ғұмырын пешенесіне жазып береді деп. Міне, елдің азаматы сол пешенесіне жазылған мәнді ғұмырын абыроймен өткізді. Өйткені, оның артында жоқтаушысы бар. Тек туған-туыстары ғана емес, елім деп еміренген ерін елі жоқтайды. Бүгінгі еске алу кеші соның көрінісі. Сондықтан да осындай кеш ұйымдастырып отырған әріптестеріме өз атымнан ризашылығымды білдіремін, – деді Атырау облысының әкімі Нұрлан Ноғаев.

Атырау облысының Өңірлік коммуникациялар қызметі

Сурет: ӨКҚ

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521