banerkzbig

Бірлік деген осы емес пе?

Қашанда ауыл азаматтарының бірлікте, ұйымшыл болғаны көңілге көрікті ой ұялататыны анық. Сондай тамаша шараны Сағыз ауылының шығыс бетінде тұратын ауыл азаматтарының игі ісінен көрдік. Ондағы ауылдың ұйымшылдығы сондай Наурыз мерекесінде бәрі бір кісідей жұмылып, көрісу шарасын өткізді.

Шарада бір азамат ағаш үй тіксе, екіншісі үйдің алдына алтыбақан жасап, үшіншісі музыкамен көркемдеп, асабалық міндетін атқарды. Шараны ұйымдастыру үшін ауыл тұрғындары бес мың теңгеден қаржы жинап, 40 үй бірікті. Сол қаржыға дастарқан жайып, спорттық шаралармен қоса, келіндер сайысын өткізуді ұмытпады. Сондай-ақ, әсем ән шырқап, мың бұрала би билеп, күмбірлете күй тартты. Жақсы өнер көрсеткендеріне Мақтау қағаздары беріліп, орын алған спортшылардың мойындарына медаль тағылды.

Ал, ауылдың ақсақалдары қазақы дәстүрмен шапандарын киіп, жастарға тағылымды әңгімелерін айтып, баталарын берді. Әйелдер жағы түрлі ұлттық тағамдарын пісіріп, қонақтарға ұсынды. Бір сөзбен айтқанда, ауыл бір мәре-сәре болып, шаттыққа кенеліп, Наурыз мерекесін думанға бөледі. Алдағы уақытта рухты жаңғыртатын осындай шаралар көп болса игі дейсің. Бірлік деген осы емес пе?!

Ізімберген ТАСПАНОВ, зейнеткер.

Соңғы жаңалықтар

Жарнама

banerkzleft

Фотогалерея

Күнтізбе

Редакция

 
Сисенов Бауыржан

Сисенов Бауыржан Аманұлы
- "Қызылқоға" газетінің бас редакторы

Бердіғалиев Бауыржан

Бердіғалиев Бауыржан Оқасұлы- Бірінші санатты тілші


Губайдуллин Дулат

Губайдуллин Дулат Берікұлы
- Екінші дәрежелі тілші


Тілегенова Гулмира

Тілегенова Гулмира Мақсотқызы
- Екінші дәрежелі тілші


kosybaeva-ajymgul

Қосыбаева Айымгүл Жалғасқызы
- сайтқа жауапты редактор

Aqprint

Байланыс номерi :     +7 701 666 27 49     +7(7122) 45-85-21

banerkzbig