Атырау қаласы маңындағы Талғайран ауылында 280 орындық жаңа «Жасқыран» бөбекжай-балабақшасының құрылысы толық аяқталды. Қазіргі таңда нысанды пайдалануға беру үшін қажетті құжаттарды рәсімдеу жұмыстары жүргізілуде.
Екі қабатты ғимаратта ойын және оқу бөлмелері, жатын орындар, асхана, киім ауыстыратын бөлмелер, кір жуу орны, акт залы және лифт қарастырылған. Балабақша іші балаларға қолайлы әрі жайлы орта қалыптастыратын түрлі-түсті безендіру элементтерімен әрленген. Ғимарат аумағында бүлдіршіндердің қауіпсіз ойнап, демалуына арналған 13 заманауи ойын алаңы салынған.
Жаңа бөбекжай-балабақшаның ашылуы Талғайран ауылындағы мектепке дейінгі білім беру орындарына деген сұранысты азайтып, өңірдің әлеуметтік инфрақұрылымын дамытуға үлес қоспақ.
Баян Жанұзақова
