Күдікті бұған дейін де құқық бұзушылық жасағаны үшін жауапкершілікке тартылған.

Сонымен қатар, оның Атырау қаласында тұрғылықты жері бойынша тіркеусіз жүргені анықталды. Оны полицияға жеткізу барысында кейбір азаматтар полиция қызметкерлерінің заңды талаптарын орындамай, олардың қызметтік міндеттерін атқаруына кедергі келтірген. Бейнежазбада полиция қызметкерлерінің іс-әрекетінен заң бұзушылықтар анықталған жоқ. Аталған оқиғаға қатысты әрбір тұлғаның әрекетіне тиісті құқықтық баға беріледі. Осы орайда полиция азаматтарды жеке мүлкіне ұқыпты болуға, бағалы заттар мен ұялы телефондарды қараусыз қалдырмауға, тұрғын үй мен автокөліктің есік-терезелерін жауып жүруге шақырады. Күдікті әрекеттерді немесе ұрлық дерегін байқаған жағдайда дереу «102» хабарлау қажет.

 Сондай-ақ, әлеуметтік желі қолданушыларын оқиғаның толық мән-жайы анықталғанға дейін асығыс қорытынды жасамауға, тексерілмеген ақпаратты таратпауға және ресми дереккөздерге сүйенуге шақырамыз.