Туған жердің табиғаты – халықтың байлығы. Сондықтан қоршаған ортаны таза сақтау әр адамның азаматтық парызы болып саналады.
«Таза Қазақстан» бастамасы елдегі экологиялық мәдениетті қалыптастырып, табиғатты қорғауға шақырады. Тазалық тек сенбілікпен ғана шектелмейді. Ол – адамның күнделікті әдеті. Көшеге қоқыс тастамау, табиғатты бүлдірмеу, ағаштарды күтіп-баптау – мәдениетті адамның белгісі. Егер әр адам айналасын таза ұстаса, еліміз де көркейе түседі. Қазіргі таңда экологиялық мәселелер көбейіп келеді. Ауаның ластануы, пластик қалдықтарының көбеюі табиғатқа кері әсерін тигізуде. Сондықтан адамдар табиғатты қорғаудың маңызын түсінуі керек. Әсіресе жас ұрпақты тазалыққа тәрбиелеу маңызды. «Таза Қазақстан» – тек табиғатты емес, адамның санасын тазартатын игі іс. Таза жерде өмір сүрген адам денсаулығын сақтап, жақсы көңіл күйде болады. Тазалық – өркениетті елдің айнасы. Ендеше, еліміздің таза әрі көрікті болуы әрқайсымызға байланысты. Табиғатты қорғау арқылы біз болашақ ұрпаққа әдемі Қазақстанды аманат ете аламыз.
Маншүк ҚАЛДУҚЫЗЫ,
зейнеткер
