Қоғамдағы тұрақтылық пен қауіпсіздік ең алдымен заң мен тәртіптің сақталу деңгейімен өлшенеді. Заң үстемдігі орныққан елде әділдік салтанат құрып, азаматтардың мемлекетке деген сенімі нығаяды.
Сондықтан заң мен тәртіпті қамтамасыз ету – тек мемлекеттік органдардың емес, бүкіл қоғамның ортақ міндеті. Заң – қоғамдық қатынастарды реттейтін негізгі құрал. Ол әрбір азаматтың құқықтары мен бостандықтарын қорғауға бағытталған. Алайда заңның қағаз жүзінде болуы жеткіліксіз, оның нақты өмірде орындалуы шешуші мәнге ие. Осы тұста тәртіп ұғымы алдыңғы қатарға шығады.
Тәртіп – заң талаптарының күнделікті өмірде бұлжытпай сақталуы. Құқықтық мәдениеті жоғары, заңға құрметпен қарайтын қоғам ғана тұрақты дамуға қол жеткізе алады. Заң мен тәртіп – уақытша науқан емес, мемлекеттің ұзақ мерзімді дамуының берік негізі.
Аманжан ТЕМІРОВ,
Сағыз стансасындағы желілік полиция бөлімшесінің бастығы, полиция капитаны
