Қазақстан Республикасының азаматтығы заңға сәйкес беріледі және тоқтатылады, ол берілген негізіне қарамастан бiрыңғай және тең. Бұл – еліміздің Конституциясының жаңа жобасының 12-бабының 1-тармағының негізгі қағидасы.
Ол азаматтықтың заңдылығын, қандай жолмен (туылғанда немесе қабылданғанда) алынғанына қарамастан, барлық азаматтардың тең құқылы екенін және елімізде азаматтықтың бірыңғай екенін айқындайды. Егер Қазақстан азаматы басқа мемлекеттің азаматтығын алған жағдайда, онда оның Қазақстан Республикасы азаматтығы тоқтатылады. Бұл ереже елдің ұлттық қауіпсіздігін және азаматтардың өз мемлекеті алдындағы міндеттемелерін қамтамасыз ету үшін қолданылады.
Бекзат БАЙЖАН,
ішкі істер саласының ардагері
