«Таза Қазақстан» акциясы аясында қала әкімі қала аумағындағы бірқатар құрылыс нысандарын аралап, атқарылып жатқан жұмыстардың барысын тексерді.
Қала басшысы салынып жатқан сквер құрылысы, ықшам аудандардағы автокөлік жолдары, жаяу жүргіншілер және веложолдарды жайластыру жұмыстарының басына барып, олардың орындалу сапасын бақылады.
Жауапты мердігер ұйымдарға құрылыс жұмыстарының сапасын қамтамасыз етіп, нысандарды белгіленген мерзімде аяқтау жөнінде нақты тапсырмалар берілді. Барлық жобалардың іске асырылуы тұрақты бақылауда.
Думан Алиев
