Наурыз мерекесіне орай Дамба балалар-жасөспірімдер спорт мектебінде ұлттық спорт түрлерінен ұйымдастырылған мерекелік іс-шарасы өткізілді.
Іс-шара барысында ұлттық дәстүріміздің бірі – тұсаукесер рәсімі де өткізілді. Сонымен қатар қол күрес, гир көтеру, отырып-тұру, арқан тарту және қазақша күрес бойынша жарыстар ұйымдастырылып, қатысушылар өзара бақ сынасты. Олар өздерінің күшін, ептілігін және төзімділігін көрсетіп, жоғары деңгейде өнер көрсетті. Бұл шараның басты мақсаты – ұлттық құндылықтарды дәріптеу, жасөспірімдерді спортқа баулу және салауатты өмір салтын қалыптастыру. Ұлыстың ұлы күні – Наурыз мерекесі құтты болсын! Баршаңызға амандық, береке-бірлік тілейміз!
