Бөдене ауылында «Жасыл ел» еңбек жасағының жастары ауыл тазалығы мен абаттандыру жұмыстарына белсенді атсалысты.
Жастар «Жастар» саябағы аумағын лас қоқыстар мен арамшөптерден тазартып, қоршаған ортаның көркеюіне өз үлестерін қосты. Сонымен қатар, саябақтағы жасыл желектерге су құю жұмыстары жүргізіліп, табиғатты күтіп-баптауға ерекше көңіл бөлінді.
Мұндай игі бастамалар жастардың еңбекке деген жауапкершілігін арттырып қана қоймай, туған жердің тазалығы мен экологиялық мәдениетті қалыптастыруға ықпал етеді.
