8–10 сәуір аралығында Атырауда екі ірі салалық көрме өтеді — Atyrau Oil & Gas 2026 және Atyrau Build 2026, олар мұнай-газ, мұнайхимия және құрылыс салаларының өкілдерін жинайды. Іс-шара озық технологияларды көрсетуге, тәжірибе алмасуға және іскерлік диалог орнатуға арналған.
Биыл іс-шараға Қазақстан, Германия, Қытай, АҚШ және басқа да 9 елден 85 компания қатысуын растады. Шамамен 40%-ы экспоненттер өз шешімдерін алғаш рет ұсынды, бұл аймаққа деген қызығушылықтың артып келе жатқанын көрсетеді. Сондай-ақ, ірі техникалар мен жабдықтардан тұратын сыртқы көрме ұйымдастырылды.
Атырау облысы кәсіпкерлік және өнеркәсіп басқармасының басшысы Данияр Орынбасаров атап өтті:
”«Atyrau Oil & Gas» көрмесі — мұнай-газ саласының дамуына және іскерлік байланыстарды нығайтуға ықпал ететін маңызды халықаралық алаң. Ол Атырау облысында инвестиция тартуға және өндірісті локализациялауға жаңа мүмкіндіктер ашады.”
Көрме қонақтарының бірі — Ресейлік «НМС» компаниясы болды. Компанияның орынбасары Денис Демьянов:
“Біздің сапарымыздың мақсаты — жергілікті жеткізушілермен қарым-қатынас жасау және бірлескен жобаларға мүмкіндік іздеу. Көрменің, инфрақұрылымның және қатысушылар санының дамуын көру өте қуантады, бұл аймақтың дамуының динамикасын көрсетеді.”
Көрменің алғашқы күнінің негізгі бөлігі — іскерлік бағдарлама болды. 8 сәуірде Каспий өңірін индустриялық хаб ретінде дамыту және саланың цифрлық трансформациясы бойынша пленарлық сессия өтті.
Көрмелер дәстүрлі түрде Қазақстанның және бүкіл Каспий өңірінің мұнай-газ және құрылыс секторларын дамытуға ықпал ететін жаңа серіктестіктер мен стратегиялық шешімдер алаңы болады.
Іс-шара Қазақстан Республикасы Энергетика министрлігінің, Атырау облысы әкімдігінің, «ҚазМұнайГаз» компаниясының және салалық жетекші ассоциациялардың қолдауымен өткізіледі. Генеральды серіктесі — «Теңізшевройл» компаниясы, алтын серіктесі — Каспий құбыр консорциумы.
