Жазғы аптап ыстық кезеңінде Атырауда ауа температурасын төмендету мақсатында су бүрку жұмыстары жүргізілуде.
Бұл әдіс арқылы ұсақ су тамшылары ауада буланып, қоршаған ортадағы жылуды өзіне сіңіреді.
Нәтижесінде ауа температурасы төмендеп, қаладағы микроклимат жақсарады. Сонымен қатар, су бүрку асфальттың беткі қабатының температурасын төмендетіп, оның ұзақ уақыт сақталуына және аптап ыстықтың әсерінен болатын зақымданулардың алдын алуға ықпал етеді.
Аталған жұмыстар тұрғындарға қолайлы жағдай жасауға, шаң-тозаңды азайтуға және жазғы ыстықтың әсерін төмендетуге бағытталған.
