АСТАНА. KAZINFORM – Жыл сайын жоғары оқу орындарында білім алу ақысы қымбаттап келеді. Бұған инфляция деңгейі, ЖОО шығыны, тіпті саладағы реформалар да әсер етеді. Kazinform тілшісі студенттер төлейтін қаржының қайда кететінін, оқу ақысына ықпал ететін негізгі факторларды талдады.
Оқу ақысы неге қымбаттады?
Ұлттық статистика бюросының дерегіне сәйкес, биыл І тоқсанда жоғары білім беру қызметінің құны өткен жылмен салыстырғанда 10,8%-ға өскен.
Өңірлердегі қосылған құн әртүрлі. Ең жоғары өсім Атырау облысына тиесілі, мұнда оқу ақысы 36,3%-ға қымбаттаған. Тізімде Түркістан облысы (19,6%), Маңғыстау облысы (15,2%), Қостанай облысы (1,8%), Шымкент (15,4%) пен Астана қалалары (15%) бар. Білім алу тек Алматы облысында арзанға түседі, аймақта оқу ақысы өзгеріссіз қалыпты.
