Бұл туралы Астана қаласындағы N100 «Келешек мектебінде» өткен республикалық оқыту семинарында Оқу-ағарту министрі Ж.Сүлейменова мәлім етті.
«Келешек мектептерінің бірыңғай формасы болады. Форма оқушыларға білімге, ғылымға ұмтылуға, «Келешек мектептерінде» оқығанын мақтанышпен көрсететін үлкен символикалық мәні бар форма болады деп санаймын»,- деді министр.
Айта кету керек, Қазақстанда Мемлекет басшысының бастамасымен «Келешек мектептері» ұлттық жобасы белсенді түрде жүзеге асырылуда. Жобаның басты мақсаты – еліміздің барлық өңіріндегі балаларға тұратын жеріне қарамастан сапалы білім алуға тең мүмкіндік жасау.
Жоба аясында ел аумағында 217 мектеп пайдалануға берілді.
