Елімізде жүзеге асырылып жатқан «Келешек мектептері» ұлттық жобасының басты мақсаты – әрбір балаға тұрғылықты жеріне қарамастан сапалы білім алуға жағдай жасау.
Жоба аясында бой көтерген жаңа мектептер заманауи талаптарға сай салынып, оқушылардың жан-жақты дамуына бағытталған. Қабылдау үдерісі ата-ананың таңдауы негізінде жүргізіліп, балаларға өз үйіне жақын орналасқан мектепте білім алуға мүмкіндік беріледі. Бұл бастама әсіресе халық саны көбейген елді мекендердегі үш ауысымды мектептердің мәселесін шешіп, қала мен ауыл арасындағы білім сапасындағы айырмашылықты азайтуға ықпал етеді.
