Қазақстанда жүзеге асырылып жатқан «Келешек мектептері» ұлттық жобасы білім беру жүйесін жаңғыртуға бағытталған маңызды бастамалардың бірі саналады. Жоба аясында заманауи инфрақұрылымы бар мектептер салынып, қауіпсіз әрі қолайлы білім беру ортасы қалыптастырылуда.
Жаңа форматтағы мектептерде пәндік кабинеттер, төрт спорт залы, шығармашылық және технологиялық шеберханалар, IT-сыныптар, робототехника зертханалары қарастырылған. Сонымен қатар оқушылардың қауіпсіздігін қамтамасыз ету мақсатында бейнебақылау жүйелері мен турникеттер орнатылған.
Жоба аясында педагогтердің кәсіби біліктілігін арттыруға, көптілді білім беруді дамытуға және оқушылардың сыни ойлау, зерттеу, командада жұмыс істеу дағдыларын қалыптастыруға басымдық беріліп отыр.
Мамандардың пікірінше, «Келешек мектептері» ұлттық жобасы заманауи білім беру ортасын қалыптастырып қана қоймай, елдің адами капиталын дамытуға және болашақ білікті мамандарды даярлауға негіз қалайды.
