«Келешек мектептері» ұлттық жобасы ауыл мен қала мектептері арасындағы білім сапасындағы айырмашылықты азайтуға бағытталған.
Жоба аясында ашылатын мектептердің жартысы ауылдық елді мекендерде орналасады. Бұл білім ордалары заманауи зертханалармен, STEM кабинеттерімен, робототехника және дрон сыныптарымен, интерактивті жабдықтармен қамтылып, оқушылардың жан-жақты дамуына жағдай жасайды.
Сонымен қатар инклюзивті білім беруге қажетті барлық мүмкіндік қарастырылған. Ұлттық жоба арқылы еліміздің әрбір баласына тұрғылықты жеріне қарамастан сапалы білім алуға тең мүмкіндік жасау көзделіп отыр.
