Ауылдың тазалығы – тұрғындардың мәдениеті мен ұйымшылдығының көрінісі. Таза көше, күтімді аулалар мен абаттандырылған қоғамдық орындар ауылдың көркін арттырып қана қоймай, тұрғындардың денсаулығы мен жайлы өмір сүруіне оң әсер етеді.
Әрбір тұрғын өз үйінің маңын таза ұстап, қоқысты белгіленген орынға тастап, сенбіліктерге белсенді қатысса, ауылымыз бұдан да көркейе түседі. Табиғатты аялау – бүгінгі ғана емес, келер ұрпақ алдындағы жауапкершілігіміз. Тазалық – бір күндік іс емес, ол күнделікті өмір салтына айналуы тиіс.
Балбибі Исжанова,
Денсаулық саласының ардагері
