Мемлекет басшысы құқық қорғау органдарының басшыларымен кеңесте «Заң және Тәртіп» қағидатын ұстану қоғамның идеологиялық және саяси нұсқаулығына айналуы қажет екенін атап өтіп, «Әділетті Қазақстан – Заң мен Тәртіп үстемдік құратын ел» деді.
Аудандық полиция бөлімі «Заң және Тәртіп» қағидаты аясында, аудан аумағында 3-7 маусым аралығында республикалық «Жолдағы балалар» жедел-профилактикалық іс-шарасын өткізуде. Басты мақсаты – жазғы демалыс кезеңінде балалардың қатысуымен болатын жол-көлік оқиғаларының алдын алып, жасөспірімдердің жол қозғалысы қауіпсіздігі мәдениетін қалыптастыру және жол қозғалысы ережелерін сақтау деңгейін арттыру. Аталған іс-шара аясында полиция қызметкерлері балалардың жолды дұрыс кесіп өтуі, жаяу жүргіншілер өткелдерін пайдалану және жол қозғалысы ережелерін сақтау мәселелеріне ерекше назар аударылып, күшейтілген режимде жұмыс атқаруда.
Өз тілшіміз
