Қоғамдағы тұрақтылық пен қауіпсіздік ең алдымен заң талаптарының орындалуына байланысты. Заң – азаматтардың құқықтары мен міндеттерін айқындайтын, қоғамдық тәртіп пен өзара жауапкершілікті қамтамасыз ететін негізгі тетік.
Сондықтан заңды сақтау тек мемлекеттік органдардың емес, әрбір азаматтың ортақ міндеті болуы тиіс. «Заң мен тәртіп» қағидаты күнделікті өмірдегі қарапайым әрекеттерден басталады. Қоғамдық орындардағы тәртіпті сақтау, жол қозғалысы ережелерін орындау, өзгенің құқығы мен мүлкіне құрметпен қарау, белгіленген талаптарды бұзбау – азаматтық жауапкершіліктің нақты көрінісі.
Заң талаптарын білмеу немесе оған немқұрайды қарау түрлі құқық бұзушылықтарға әкелуі мүмкін. Ал құқық бұзушылықтың алдын алудың тиімді жолдарының бірі – халық арасында құқықтық түсіндіру жұмыстарын жүйелі жүргізу. Әсіресе жасөспірімдерге құқықтары мен міндеттерін түсіндіріп, жауапкершіліктің мәнін ұғындыру маңызды.
Тәртіп бар жерде өзара құрмет пен сенім қалыптасады. Әр адам өз әрекетінің қоғамға әсерін түсініп, заң талаптарын сақтауға жауапкершілікпен қараса, қоғамдық қауіпсіздікті нығайтуға өз үлесін қоса алады.
Заң – тек тыйымдар жиынтығы емес, ол адамның құқығын қорғауға және қоғамдағы тұрақтылықты қамтамасыз етуге бағытталған ортақ ереже. Сондықтан заңды білу, оны құрметтеу және талаптарын сақтау – өркениетті қоғамның басты белгілерінің бірі.
