«Заң мен тәртіп» – құқықтық мемлекет пен Әділетті Қазақстанды құрудың іргелі идеологиялық және саяси қағидаты. Ол қоғамдағы әділеттілікті, қауіпсіздікті, азаматтардың теңдігі мен құқықтарының қорғалуын қамтамасыз етуге бағытталған.
Бұл ретте, Мемлекет басшысы «Заң – әр адамның құқығы мен бостандығының қорғаны. Тәртіп – жалпыға ортақ құндылыққа, ал заңға бағыну – әркімнің өмір салтына айналуға тиіс. Озық ойлы ұлт болу үшін әдептілік, өзара құрмет, ұстамдылық, сыпайылық сияқты қасиеттерді барынша дәріптеген жөн. Азаматтарымыз әдеп пен заңды мәжбүрлікпен емес, саналы түрде сақтауы керек» деген болатын. Сондықтан әр азамат заңға құрметпен қарап, өз міндетін адал атқаруы қажет. Сонда ғана ел ішінде тұрақтылық пен сенім нығаяды.
Қайрат ӨТЕШОВ,
ішкі істер саласының ардагері
