Заң мен тәртіп — қоғамды бір арнаға түсіретін, адамдардың қауіпсіз әрі тыныш өмір сүруіне мүмкіндік беретін аса маңызды негіз.
Заңды сақтау дегеніміз тек жазылған ережелерден қорқу емес, керісінше, ортақ өмірдің тәртібін саналы түрде түсіну және оны құрметтеу. Қоғамда әр адам өз міндетін біліп, өз құқығын дұрыс пайдаланып, өзгелердің де құқығына қол сұқпаса, бейбіт орта қалыптасады.
Тәртіпті адам өз әрекетінің салдарын ойлайды. Ол қоғамдық орында дауыс көтермейді, кезек сақтайды, үлкенге құрмет, кішіге ізет көрсетеді, жол ережесін бұзбайды, мектеп ережелерін орындайды. Осындай қарапайым әрекеттердің өзі үлкен мәдениеттің белгісі болып саналады. Тәртіп сақталған жерде сенім де артады, жауапкершілік те күшейеді.
Өз тілшіміз
