Туған жеріміздің тазалығы – әрқайсымыздың азаматтық міндетіміз әрі ортақ жауапкершілігіміз. «Таза Қазақстан» акциясы – қоршаған ортаны қорғауға, табиғатты аялауға және елді мекендерді таза ұстауға бағытталған маңызды бастама.
Тазалық – мәдениеттің, тәртіп пен жауапкершіліктің айқын көрінісі. Әрбір отырғызылған ағаш, жиналған қоқыс, тазаланған аула – болашаққа жасалған игі қадам. Қоршаған ортаны қорғау – еліміздегі ең маңызды міндеттердің бірі. Себебі экологиялық тазалық адам денсаулығына, қоғамның өмір сүру сапасына тікелей әсер етеді. Табиғатты аялау, айналаны таза ұстау, су мен ауаны ластамау – әр адамның күнделікті өмір салтына айналуы қажет. Осы арқылы қоғамда экологиялық мәдениет қалыптасып, туған жерге деген жанашырлық арта түседі. Бірлікпен атқарылған әр іс туған өлкеміздің көркеюіне үлес қосады. Табиғатты таза сақтау арқылы біз келер ұрпаққа жайлы, көрікті әрі экологиялық таза Қазақстанды аманаттаймыз.
Айман МЕҢДІҒАЛИЕВА,
Миялы ауылының тұрғыны, зейнеткер
