Тазалық – әр адамның мәдениеті мен жауапкершілігін көрсететін маңызды құндылық.
Туған жеріміздің таза әрі көрікті болуы тек арнайы қызметтердің емес, барша тұрғындардың ортақ міндеті. Көшелерді, аулаларды таза ұстап, қоқысты белгіленген орынға тастау – қарапайым болғанымен, қоғамға тигізер пайдасы зор іс.
Тазалықты сақтау – қоршаған ортаға деген құрмет. Әр азамат өз ауласынан бастап тазалыққа үлес қосса, ауылымыздың көркі артып, өмір сүруге қолайлы орта қалыптасады. Сондықтан тазалықты бір күндік науқан емес, күнделікті өмір салтына айналдыруымыз қажет.
