Тазалық – адам өмірінің ажырамас бөлігі әрі денсаулықтың басты кепілі. Қай қоғамда болмасын тазалыққа мән беру – мәдениеттіліктің, жауапкершіліктің және өркениеттіліктің белгісі. Адам өз үйін, ауласын, тұрған ортасын таза ұстаса, бұл тек өзіне ғана емес, айналасындағы адамдарға да оң әсерін тигізеді.
Қоршаған ортаның тазалығы – халық денсаулығының айнасы. Қоқыс шашылған, күтімсіз жерлер түрлі аурулардың таралуына себеп болуы мүмкін. Ал таза, ұқыпты ортада өмір сүрген адам өзін сергек сезінеді, еңбекке қабілеті артады. Сондықтан тазалықты сақтау – әрбір азаматтың күнделікті дағдысына айналуы тиіс. «Тазалық – денсаулық кепілі» деген нақыл сөздің мәні терең. Бұл тек жеке бас гигиенасы ғана емес, табиғатты, қоғамдық орындарды таза ұстауды да қамтиды. Әр адам өзінен бастап, тазалыққа жауапкершілікпен қараса, қоғамда да оң өзгерістер болады. Әрқайсымыз тазалықты сақтап, оны өмір салтымызға айналдыруымыз керек.
Мадина ЖАНҰЗАҚОВА,
ауыл тұрғыны
