«Таза Қазақстан» экологиялық акциясы аясында ұйымдастырылған сенбілік – туған жерге деген жанашырлықтың жарқын көрінісі.
Біз, жастар, қоршаған ортаны таза ұстау – әрбір азаматтың ортақ міндеті екенін жақсы түсінеміз. Сондықтан табиғатты қорғау мен тазалық мәдениетін қалыптастыруға өз үлесімізді қосуға әрдайым дайынбыз. Сенбілік барысында қоғамдық орындар мен демалыс аймақтары қоқыстан тазартылып, айнала көркейе түсті. Мұндай игі шаралар жастардың белсенділігін арттырып қана қоймай, туған өлкеге деген сүйіспеншілік пен жауапкершілікті нығайтады.
Таза қоршаған орта – дені сау ұрпақтың кепілі. Сондықтан әрбір тұрғынды тазалықты сақтауға, табиғатты аялауға және «Таза Қазақстан» бастамасына белсенді атсалысуға шақырамыз. Тазалық – мәдениеттіліктің белгісі, ал таза ел – жарқын болашақтың кепілі.
Роза Едишова,
Ойыл ауылдық округінің тұрғыны
