Көздіғара ауылдық кітапханасында «Таза Қазақстан» акциясы аясында қоршаған орта табиғат туралы, оқушылардың қоршаған орта туған өлке табиғатына деген сүйіспеншілікті қалыптастыру мақсатыында «Табиғат-тал бесігім» тақырыбында суретшілер сабағы өтті.
Шараға Қоныстану балалар өнер мектебінің сурет және бейнелеу сыныбының оқушылары қатысып, табиғатқа арналған суреттер салды. Сонымен қатар табиғат туралы мақал-мәтелдер айтып, салған суреттерін түсіндіріп, сұрақ-жауап пікірлесті. Суретші оқушылар Нұрайна Қылышқали, Фәтима Марат, Асылгүл Қайролла, Әлихан Рахым, Елдос Жарасханұлы, Нұржан Нұрлан, Нұрислам Мәкіш, Ансар Марат, Зере Шәріп, Раяна Серікбай, Асылжан Мәризаттар өздерінің тамаша туындыларын салды. Ал табиғат туралы мақал-мәтелге белсене қатысқан Зере Шәріп пен Елдос Жарасханұлы білім бәсекесінде жоғары нәтиже көрсетті.
Өз тілшіміз
