Жамбыл ауылдық округінде республикалық «Таза Қазақстан» экологиялық акциясы аясында кезекті сенбілік ұйымдастырылды. Сенбіліктің негізгі мақсаты – ауыл аумағының тазалығын сақтау, қоршаған ортаны қорғау және тұрғындардың экологиялық мәдениетін қалыптастыру.
Іс-шара барысында ауылдағы 7 көшенің бойы, мемлекеттік мекемелердің аумақтары және 4 шақырым автожол жиегі күл-қоқыстан тазартылды. Тазалық жұмыстарына ауылдық округтегі барлық мекеме қызметкерлері мен «Жасыл ел» жастар жасағының мүшелері белсене қатысып, жалпы саны 55 адам жұмылдырылды. Бірлескен еңбектің нәтижесінде бір тоннаға жуық күл-қоқыс жиналып, арнайы белгіленген орынға шығарылды. Тазалық – бір күндік науқан емес, әрбір азаматтың күнделікті өмір салтына айналуы тиіс. Сондықтан қоршаған ортаны таза ұстау, табиғатты аялау және туған жердің көркеюіне үлес қосу – баршамыздың ортақ міндетіміз.
Гүлмира Мақсотқызы
