Қызылқоға ауданы аумағында 2026 жылдың 24-28 тамыз аралығында республикалық «Браконьер» жедел алдын алу іс-шарасы өткізілуде.
Іс-шараның негізгі мақсаты – заңсыз аңшылық пен балық аулау фактілерінің алдын алу, табиғи ресурстарды қорғау және браконьерлікке жол бермеу. Осыған байланысты полиция қызметкерлері аудан аумағында, табиғи және су айдындарына жақын жерлерде тәулік бойы рейдтік-профилактикалық жұмыстар жүргізуде. Аңшылық және балық аулау құралдарының заңдылығы, рұқсат құжаттарының болуы тексеріледі.
Құрметті тұрғындар! Табиғат – баршамызға ортақ байлық. Заңсыз аң аулау мен балық аулауға жол бермей, табиғатты бірге қорғайық!
Заң бұзушылыққа жол жоқ! Табиғатты аялау – әр азаматтың міндеті!
