Қазақстан Республикасының Конституциясы – мемлекетіміздің негізгі заңы әрі тәуелсіз еліміздің даму бағытын айқындайтын маңызды құжат. Ол еліміздің саяси жүйесін, мемлекеттік құрылымын, азаматтардың құқықтары мен бостандықтарын нақты белгілеп береді.
Конституция қоғамдағы тұрақтылықты сақтауға, заң үстемдігін қамтамасыз етуге және әрбір азаматтың құқығын қорғауға қызмет етеді. Ата Заңымызда адам мен азаматтың құқықтары мен бостандықтары ең жоғары құндылық ретінде танылған. Конституция әрбір азаматқа тең мүмкіндік беріп, қоғамдағы татулық пен бірлікті нығайтуға негіз болады.
Сәлима Махмудова,
зейнеткер
