«Таза Қазақстан» бағдарламасы – қоршаған ортаның тазалығын сақтаумен қатар, қоғамда заң мен тәртіп мәдениетін қалыптастыруға бағытталған маңызды бастама.
Аула мен көшенің тазалығы – әрбір азаматтың жауапкершілігінен басталады. Қоғамдық орындарды таза ұстау, қоқысты белгіленген орынға тастау, абаттандыру мен көгалдандыру жұмыстарына белсенді қатысу – бұл экологиялық мәдениет қана емес, заң талаптарын құрметтеудің де көрінісі.
Әрбір тұрғын айналасына жанашырлықпен қарап, қоғамдық тәртіпті сақтауға үлес қосса, елді мекендеріміз көркейіп, өмір сүруге қолайлы орта қалыптасады. Заң мен тәртіпке бағыну және тазалықты сақтау – әр азаматтың ортақ міндеті. «Таза Қазақстан» бастамасын қолдап, туған жеріміздің тазалығы мен көркеюіне бірге атсалысайық.
Гаухар Құрманғазиева,
Аудандық мәдениет, тілдерді дамыту, дене шынықтыру және спорт бөлімінің бас маманы
