Ұлттық мұраға құрмет көрсету – кез келген елдің мәдени саясатының басты бағыттарының бірі. Тарихи орындар мен мәдени ескерткіштерді сақтау – халықтың рухани байлығын қорғап, оны келер ұрпаққа аманат ету деген сөз.
Себебі әрбір тарихи ескерткіш пен мәдени мұра нысаны – ұлт тарихының, салт-дәстүрі мен рухани құндылықтарының айқын көрінісі. Жаңа Конституция жобасында да ұлттық мұраны сақтау мен қорғау мәселесіне ерекше назар аударылған. Бұл еліміздің мәдени құндылықтарын дамытуға, тарихи ескерткіштерді қорғауға және оларды келер ұрпаққа жеткізуге бағытталған маңызды қадам болып табылады. Мемлекет мәдени мұра нысандарын сақтауға, зерттеуге және насихаттауға жағдай жасау арқылы ұлттық бірегейлікті нығайтуға ықпал етеді. Тарихи орындар мен мәдени ескерткіштерді сақтау – тек мемлекеттік органдардың ғана емес, бүкіл қоғамның ортақ міндеті.
Зәуреш ЖҰМАҒАЛИЕВА,
әнші
