Қоғамдағы тұрақтылық пен әділеттілікті қамтамасыз ететін басты құрал – заң. Ол мемлекет пен азамат арасындағы қатынасты реттеп қана қоймай, әрбір адамның құқығын қорғауға арналған. Заң үстемдігі сақталған жерде қоғамдағы әділдік, қауіпсіздік және сенім нығаяды.
Қазақстанда Конституция – құқықтық жүйенің негізі. Онда адам құқығы, бостандықтары мен міндеттері айқындалған. Заңның әділ әрі бірдей қолданылуы – демократиялық қоғамның басты белгісі. Тәртіп – тек құқық қорғау органдарының жұмысы емес, әрбір азаматтың жауапкершілігі. Қоғамдық тәртіп сақталмаған жағдайда заң да өз күшін толық көрсете алмайды. Сондықтан да құқықтық мәдениет пен азаматтық жауапкершілікті арттыру – мемлекет үшін стратегиялық міндет. «Заң және тәртіп» ұғымдары – бір-бірімен тығыз байланысты. Заң бар жерде тәртіп орнайды, ал тәртіпсіз қоғамда заңның құны төмендейді. Қазақстанның болашағы құқықтық мәдениеті жоғары, заң үстемдігі толық қамтамасыз етілген мемлекетке айналуына байланысты.
Зинедан ОМАРОВ,
ішкі істер саласының ардагері
