Мемлекет басшысы Қасым-Жомарт Тоқаев атап өткендей, «Заң және тәртіп» қағидаты – Әділетті Қазақстан құрудың негізгі шарты. Бұл ретте заң – қоғамдағы қарым-қатынастарды реттейтін негізгі ереже.
Ол адамдардың құқықтарын қорғап, әділдікті қамтамасыз етеді. Егер заң сақталмаса, қоғамда тәртіпсіздік, келіспеушілік пен түрлі құқық бұзушылықтар көбейеді. Сондықтан заңды құрметтеген қоғамда адамдар бір-біріне сеніммен қарап, өзара сыйластықта өмір сүреді. Ал тәртіп – адамның мәдениеті мен жауапкершілігінің көрінісі. Тәртіпті адам қоғам ережелерін сақтап, өзгелердің құқығын құрметтейді.
Мектепте, жұмыста, қоғамдық орындарда тәртіпті сақтау – қоғамның дамуына оң әсер етеді. Бұл әсіресе жастар үшін өте маңызды. Өйткені жас ұрпақ заңға бағынуды ерте жастан үйренсе, болашақта жауапты әрі саналы азамат болып қалыптасады.
Асхат ЖҰМАБАЙҰЛЫ,
Мұқыр ауылы
