Туған жердің тазалығы – әрбір азаматтың ортақ міндеті. Ауылдың көркі – оның таза көшесі, көгалданған ауласы мен табиғаты. Бұл – тек бүгінгі ұрпақ үшін емес, келешек ұрпаққа қалдыратын аманат.
Ауыл ақсақалдары мен үлкендері табиғатты аялау – ата-бабадан келе жатқан қасиетті дәстүр екенін үнемі айтып келеді. «Бір тал кессең, он тал ек», «Бұлақ көрсең – көзін аш» деген нақыл сөздер табиғатқа жанашырлықпен қараудың маңызын білдіреді. Олар жастарды туған жерді қадірлеуге, қоршаған ортаны ластамауға, тазалықты сақтауға үндейді.
Үлкендердің айтуынша, таза ауыл – тұрғындардың мәдениеті мен бірлігінің көрінісі. Әр адам өз ауласын, көшесін таза ұстап, сенбіліктерге белсене қатысса, ауылымыздың ажары артып, өмір сүруге қолайлы мекенге айналады.
Табиғатты қорғау – болашаққа жасалған қамқорлық. Сондықтан ауылымыздың әрбір тұрғыны туған жердің тазалығын сақтап, кейінгі ұрпаққа көркейген, гүлденген ауылды аманат етуге үлес қосуы тиіс. Таза ауыл – жарқын болашақтың кепілі.
Қанатқали КАРИМОВ,
Тайсойған ауылдық бастауыш ардагерлер ұйымының төрағасы
