Конституция – еліміздің дамуының және азаматтардың құқықтары мен бостандықтарын қорғаудың негізгі тірегі. Ол мемлекетіміздің құқықтық негізін қалыптастырып, қоғамдағы тұрақтылық пен тәртіптің сақталуына ықпал етеді.
Ата Заңда әрбір азаматтың құқықтары мен міндеттері айқындалып, заң алдындағы теңдігіне кепілдік беріледі. Әрбір адам өз құқығы мен міндетін біліп, заң талаптарын сақтауы және өзге азаматтардың құқықтарын құрметтеуі қажет. Өйткені құқықтық сауаттылық пен заңға деген құрмет – әділетті қоғам қалыптастырудың маңызды шарты.
Конституция қағидаларын сақтау арқылы біз ел бірлігін нығайтып, қоғамдық келісімді арттырып, мемлекетіміздің жарқын болашағына үлес қосамыз. Ата Заңды құрметтеу – елді құрметтеу. Заң үстемдік еткен қоғамда әділдік орнап, азаматтардың болашаққа деген сенімі нығаяды.
Сәттібай Шакиев, ардагер




