Қазақстан азаматтары мемлекетіміздің басты құжаты – Ата Заңымыздың жаңа нұсқасына қатысты өз таңдауын жасап, ел болашағына бейжай қарамайтынын көрсетті.
Бұл – әрбір азаматтың ел тағдырына деген жауапкершілігін айқындайтын маңызды сәт. Мен де өз сайлау учаскеме барып, азаматтық парызымды орындап, өз таңдауымды жасадым. Ата Заң – мемлекетіміздің берік негізі, тәуелсіздігіміздің тірегі. Сондықтан мұндай маңызды шешім қабылданатын сәтте әрбір азаматтың белсенділік танытуы – ел дамуы мен тұрақтылығы үшін аса маңызды.
Барша жерлестерімді осы маңызды саяси науқанда белсенділік танытып, өз таңдауларын жасағандары үшін шынайы алғысымды білдіремін. Себебі әрбір дауыс – ел ертеңіне жасалған маңызды қадам.
Қанат ӘЗМҰХАНОВ,
аудан әкімі
