Атырау обл, Миялы ауылы, Қ.Сәтбаев көшесі, №17 үй. 8 (712) 3821738 mialy44@mail.ru

ӨҢІРІМІЗДЕ БИЫЛ ӨРТ ОҚИҒАСЫ АЗАЙҒАН

Атырау облысында ағымдағы жылы 195 өрт орын алып, толықтай ауыздықталған, деп хабарлайды Атырау облысының Өңірлік коммуникациялар қызметі.

Тынымсыз жұмыстың арқасында былтырғы жылмен салыстырғанда ағымдағы жылы өрттің саны едәуір азайып отыр. 2018 жылы 243 өрт оқиғасы орын алса, биыл жыл басынан бері 195 өрт оқиғасы тіркелген. Соның ішінде 53 адам құтқарылып, 390 адам қауіпсіз жерге көшірілді. №1мамандандырылған өрт сөндіру бөлімінің басшысы Ерлан Рақмашовтың айтуынша, бұл тұрғындардың арасында жиі жүргізілген түсіндірме жұмыстарының арқасында, осындай нәтижеге қол жеткізілген.

- Облыс аумағында 13 мамандандырылған өрт сөндіру бөлімі бар. Барлығы да соңғы үлгідегі өрт сөндіру техникаларымен жабдықталған. Қазіргі таңда өрт сөндіру бойынша техникалардың бәрі сақадай сай дайын. Сонымен қатар, көпшілік адам коп жиналатын жерлерде, яғни, сауда орындарда,базарларда жеке құраммен өрт тактикалық жаттығуларымыз күнделікті өткізіліп тұрады,- дейді Ерлан Рақмашов.

Айта кетейік, Атырау облысы бойынша бүгінде өрт сөндіру бөлімдерінде 500-ден астам қызметкер жұмыс істейді.

Атырау облысының Өңірлік коммуникациялар қызметі

Сурет: ашық дереккөзден

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521