«Жастар жылына» орай республикамыздың бірқатар аймағында ұйымдастырылып жатқан «Zhas project» жобасына ауданымыздан 121 өтінім жіберіліп, оның 46-сы жеңімпаз атанды.

Сондай-ақ, жоба жеңімпаздары 1 миллион теңгеге дейін қайтарымсыз грантты иеленді. Аталмыш жоба 2017 жылдан бастап еліміздің әр өңірлерінде өткізіліп келе жатыр. Жобаға кәсібін ашсам деген 14-29 жас аралығындағы жастар, бизнес жобаларын ұсыну арқылы қайтарымсыз грантты жеңіп алды. Жеңімпаздар 6 ай көлемінде ауданымыздағы мүмкіндігі шектеулі жандарға, көпбалалы аналарға, аз қамтылған отбасыларға түрлі салада тегін қызмет көрсетеді. Сондай-ақ, команда мүшелерінің ай сайынғы жұмыстарын жобаны үйлестіру тобы бағалап, қырық мыңнан алпыс мың теңгеге дейін шәкіртақы бөліп отырады. Ауданымыздағы жоба жеңімпаздары шілде айынан бастап өз қызметтерін бастамақ.

Нұрәділ ЕЛАМАН