banerkzbig

«Ауыл» партиясы филиалында – жаңа төраға

Аудан әкімдігінің мәжіліс залында «Ауыл» халықтық-демократиялық патриоттық партиясының аудандық филиалының жиыны өтті.

Оған Атырау облысы табиғи ресурстар және табиғат пайдалануды реттеу басқармасының басшысы, «Ауыл» ХДП партиясының облыстық филиал төрағасы Қадыржан Арыстан, партияның координаторы Жанәділ Мұратуллин, саяси кеңес мүшесі Өркен Қапанов және партия мүшелері қатысты. Жиында сөз алған «Ауыл» ХДП партиясының облыстық филиал төрағасы Қадыржан Арыстан жұмыс сапарының мақсатын түсіндіріп, республика және облыс бойынша аталмыш партияның атқарып жатқан жұмыстарынан жиналған жұртшылықты хабардар етті. Сонымен қатар, аудандық партия филиалының бұрынғы төрағасы Жексен Қапездің өз өтініші бойынша қызметінен босатылғанын жеткізіп, төрағалыққа аудандық ауыл шаруашылығы бөлімінің бас маманы Қазбек Айыпқалиевты ұсынды. Ұсыныс партия мүшелері тарапынан бірауыздан қолдау тапты. Жиын барысында сөз алған аудан тұрғындары Оңғар Жанықұлов пен Жаңбырбай Ақтаев ауыл шаруашылығындағы өзекті мәселелерді, әсіресе асыл тұқымды мал басына, жем-шөпке берілетін субсидия және экологиялық бағытта пікірлерін білдіріп, оны тиімді шешу жолдарын қарастыруды тілге тиек етті.

Шара соңында «Ауыл» ХДП партиясының облыстық филиал төрағасы Қадыржан Арыстан және басқа да сөйлеушілер жаңа төрағаның партия филиалы жұмысын жандандырып, одан әрі күшейтуге ықпал ететініне сенім білдіріп, жұмысына сәттілік тіледі.

Бауыржан Бердіғалиев

Соңғы жаңалықтар

Жарнама

banerkzleft

Фотогалерея

Күнтізбе

Редакция

 
Сисенов Бауыржан

Сисенов Бауыржан Аманұлы
- "Қызылқоға" газетінің бас редакторы

Бердіғалиев Бауыржан

Бердіғалиев Бауыржан Оқасұлы- Бірінші санатты тілші


Губайдуллин Дулат

Губайдуллин Дулат Берікұлы
- Екінші дәрежелі тілші


Тілегенова Гулмира

Тілегенова Гулмира Мақсотқызы
- Екінші дәрежелі тілші


kosybaeva-ajymgul

Қосыбаева Айымгүл Жалғасқызы
- сайтқа жауапты редактор

Aqprint

Байланыс номерi :     +7 701 666 27 49     +7(7122) 45-85-21

banerkzbig