Жақында көрші Ақтөбе облысының Ойыл ауданында 2004-2005 жылы туған қыздар арасында волейболдан аудандық ашық біріншілік өтті.

Аталмыш жарысқа біздің ауданның қыздар құрамасы да қатысып, аудан абыройын асқақтатып қайтты. Іріктеу сынында үш кездесуді ұтқан жерлестеріміз финалда Ойыл ауданының құрамасымен кездесіп, тартысты ойында 3:1 есебімен жеңіске жетті. Сөйтіп біріншілік жеңімпазы атанды. Осы орайда, аудан құрамасын аталмыш жарысқа дайындаған Айбол Ысқақ пен Руслан Нұрғалиев екенін айта кеткен жөн.

Дулат БЕРІКҰЛЫ.