Ақтау қаласында Тұрар Жолдыбаевты еске алуға арналған дзюдодан Азия кубогын сарапқа салу сайыстары өтті.

Бұл жарысқа Азия мен Еуропа құрлығынан 11 елдің 150-ден аса татами шеберлері қатысты. Байрақты бәсекеде 90 келіде бақ сынаған жерлесіміз Сұңғат Закарияев алғашқы белдесулерін сәтті бастағанымен, үшінші белдесуінде ирандық балуанға есе жіберді. Содан кейінгі жұбаныш белдесуінде өзінің командаласы Ерасыл Болатты, үшінші орын үшін болған бәсекеде маңғыстаулық Ораз Төлеуді жеңіп, жарыстың қола жүлдегері атанды. Сөйтіп, әлемдік рейтингіде тағы бір орынға көтерілген Сұңғат қазірден бастап алдағы жауапты белдесулерге дайындықты бастап кетті.

Дулат БЕРІКҰЛЫ

Сурет: Ашық дереккөзден