Бейсенбі күні салауатты өмір салтын қалыптастыру, ауыл спортының деңгейін көтеру, спорттың бұқаралығын арттыру мақсатында Миялы спорт кешенінде ересектер арасында шағын футболдан аудандық лиганың екінші кезеңі болып өтті.

Жарысқа Миялы, Жангелдин, Ойыл, Тасшағыл, Қызылқоға, Тайсойған, Көздіғара, Сағыз ауылдық округтерінен командалар қатысты. Нәтижесінде, Миялы ауылдық округінен қатысушы команда бірінші орынды жеңіп алса, жүлделі екінші, үшінші орындарды Сағыз, Көздіғара ауылдық округінен қатысушы командалар өзара бөлісті. Сондай-ақ, ерекше ойындарымен көзге түскен Қайырбек Мәлікұлы (Миялы а/о), Маратов Қуандық (Көздіғара а/о), Құланов Ардақтар (Сағыз а/о) «Үздік ойыншы» атағына ие болды.

А.ЖАЛҒАСҚЫЗЫ.