Ақтөбе қаласында ұлттық жекпе-жектен жасөспірімдер мен жастар арасында ел чемпионаты болып өтті.

Ел чемпионатына біздің ауданның да жас палуандары қатысып, байрақты бәсекеде аудан абыройын асқақтатып қайтты. Атап айтқанда, 70 келіде Аманай Төлебай (Миялы), 75 келіде Ернар Құлжан (Сағыз), +75 келіде Әлішер Құтжан (Миялы) өнер көрсетіп, үш палуан да ел біріншілігінің қола жүлдегері атанды. Осы орайда, жас палуандарды аталмыш жарысқа дайындаған тағы бір жерлесіміз Эрман Майлашов екенін айта кетейік.

Дулат БЕРІКҰЛЫ