Осыдан үш ай бұрын Атырау қаласында кіші аяқдоптан «Ардагерлер лигасы» құрылып, оған 9 команда қатысып, бақ сынаған болатын.

Аталмыш жарыста атыраулық «Аламан» командасы сапында өнер көрсеткен жерлесіміз Бауыржан Досқалиев өзі қатысқан 7 ойында 16 гол салып, турнир қорытындысымен «Үздік шабуылшы» атағына ие болды. Өткен аптада ресми түрде марапаттау рәсімі өтіп, әлгі атақ жерлесімізге салтанатты түрде табысталды. Сондай-ақ, осы жарыста Бауыржан Досқалиев өнер көрсеткен «Аламан» командасы чемпион атанып, Қызылорда қаласында өтетін республикалық жарысқа жолдама алды.

Дулат БЕРІК