Видео

    %AM, %06 %041 %2018 %00:%Дек

    Пробацияның міндеті тек жазалау емес

    Пробация қызметінде есепте тұрған адамдардың жаңадан құқық бұзушылықтар жасауының алдын алу мақсатында 12-23 қараша аралығында «Есепте тұрған» республикалық жедел-профилактикалық іс-шарасы өтті.

    Қазіргі таңда аудандық пробация қызметінде есепте тұрған 38 адамның оны шартты сынақ мерзіміне, 20 адам бас бостандығын шектеу жазасына, үшеуі қоғамдық жұмысқа сотталғандар болса, бес адам белгілі бір қызметпен айналысу құқығынан айыруға сотталғандар.

    Бас бостандығынан айыру жазасына байланысты емес жазаға сотталғандардың негізгі міндетін сот белгілейді. Атап айтқанда, оларға жұмыстан немесе оқудан бос кезде міндетті түрде тұрғылықты жерде болу, алкагольдік ішімдік ішетін, құмар ойын-сауық орындарына бармау, пробация қызметіне белгілеген күндері келіп тіркелу міндетті болып табылады. Осы тәртіпті бұзған жағдайда бас бостандығын шектеу жазасы бас бостандығынан айыру жазасына алмастырылады. Ал, шартты жаза болған жағдайда шартты мерзімді ұзарту немесе шартты жазаның күшін жойып бас бостандығынан айыру жазасына алмастыруға сотқа ұсыныс жолданады.

    Егер шартты түрде сотталушы сынақ мерзімі ішінде өзінің түзелгенін дәлелдесе шартты түрде соттаудың мерзімінен бұрын босату жөнінде сотқа ұсыныс беріледі. «Есепте тұрған» республикалық жедел-профилактикалық іс-шарасының өтуі барысында құқық бұзушылыққа бейім адамдар тізімі анықталып, есепте тұрған сотталғандардың тұрғылықты мекенжайы бойынша тексерістер жүргізіліп, сотталғандармен профилактикалық әңгімелер жүргізілді. Аудандық полиция бөлімі жергілікті полиция қызметінің учаскелік полиция инспекторларымен бірлескен тексеріс нәтижесінде тұрғылықты мекенжайында болмаған екі сотталған тұлға анықталды. Оларға қатысты алғашқы іздестіру шаралары жүргізіліп, туыстарынан түсініктеме алынды. Аудандық сотқа іздеу жариялауға және ұсталған жағдайда «күзетпен ұстау» бұлтартпау шарасын қолдануға ұсыным жолданды.

    Айдана ЖҰБАНИЯЗОВА,

    аудандық пробация қызметінің инспекторы,

    әділет аға лейтенанты.

    Прочитано 37 раз Последнее изменение %AM, %06 %245 %2018 %04:%Дек
    © 2018 Qyzylqoga.kz. Барлық құқық қорғалған.

    Please publish modules in offcanvas position.